Binjakëzimi i qyteteve
Lidhja e popujve, përmirësimi i kushteve të jetesës
Fakti që Wismar dhe Pogradeci kanë hyrë në partneritetin e parë të qytetit gjermano-shqiptar bazohet në punën tonë shumëvjeçare. Si kontribut për mirëkuptimin e dy popujve ndërmjet tyre ne përfshihemi në partneritet – si në Gjermani ashtu dhe Shqipërii.
Binjakëzimi i qytetit Wismar–Pogradec
Kur qyteti Hanseatik i Wismar mendoi të krijonte një partneritet të ri me një qytet në “jugun global”, fokusi shkoj shpejt në bashkëpunimin e gjatë midis CHW dhe Pogradecit. Disa pika të tjera të lidhjes përfshinin vendndodhjen afër ujit (Deti Baltik, përkatësisht Liqeni i Ohrit), temat e turizmit, por edhe përvojën unifikuese të tranzicionit nga socializmi në një shoqëri demokratike. Të dy qytetet kanë afërsisht të njëjtën madhësi. Dhe me Frieder Weinhold, anëtar i parlamentit të qytetit Wismar si dhe qytetar nderi i Pogradecit, përbënte kjo një mbështetes të fortë i cili ndihmonte përgatitjet nga të dyja palët.
Vizitat dhe rivizitat e ndryshme, praktika e një punonjësi të bashkisë Pogradec në Wismar, një seminar i përbashkët turistik dhe dorëzimi i makinës zjarrfikëse të cmontuar nga Wismar në zjarrfikësen e Bashkisë Pogradec i thelloi akoma më tej marrëdhëniet midis dy qyteteve. Në vitin 2019 u vulos zyrtarisht binjakëzimi i qytetit.
Ne si CHW dhe Diakonia Albania vazhdojmë të mbështesim binjakëzimin e qyteteve me mundësitë tona:
- Këshillim dhe zgjerim rrjeti në të dy rajonet
- Opsionet logjistike për transportimin e donacioneve sende
- Ne ishim në gjendje të përcjellim përvojën e Wismarit për marrjen e statusit si Trashëgimi Botërore nga UNESCO; në ndërkohë jo vetëm Ohri, por edhe pjesa shqiptare e Liqenit të Ohrit me Pogradecin bën pjesë në Trashëgiminë Botërore të UNESCO-s.
- Klubi ynë përdoret për takime dhe si akomodim i përkohshëm
- Artisti pogradecar Taso, mik dhe mbështetës i qendrës sonë të fëmijëve në Bishncë, arriti të shfaqë ekspozitën e tij të dytë në Wismar në vitin 2023.
Binjakëzimi i qytetit Wismar–Tchornomorsk
Aktualisht një tjetër partneritet qytetesh është në përgatitje me qytetin ukrainas të Tchornomorsk në Detin e Zi. Të gjithë së bashku me qytetarët dhe administratën e qytetit të Wismar, ne mundëm të organizonim ndihmë dhe ta çonim atë në Tchornomorsk, si për shembull disa gjeneratorë për të siguruar furnizime emergjente për shkollat dhe stacionet e ngrohjes.
Shtator-Tetor 2023: Ekspozita Taso në Wismar
Shtëpia Schabbel, muze historik i qytetit Hanseatik të Wismar, tregon piktura të artistit pogradecar Taso
Korrik 2023: Takimi i të rinjve në Pogradec
Një grup nga Shoqata Rinore e Qytetit Wismar viziton qytetin binjak të Pogradecit. Frieder Weinhold sjell paraprakisht anije nga Wismar në Liqenin e Ohrit.
Qershor/korrik 2023: Ndihma për Tchornomorsk
Pas një apeli për donacione dhe një koncerti përfitimi në Wismar, transporti ynë i ndihmës sjell furnizim me ndihma në Tchornomorsk
Janar 2023: Gjeneratorë
Pas një thirrjeje për ndihmë nga qyteti i ardhshëm binjak i Wismar, Tchornomorsk, qyteti hanseatik dhe organizata e ndihmës nisin një apel për donacione dhe dërgojnë me shpejtësi gjeneratorët
Tetor 2022: Delegacioni i Pogradecit në Wismar
Delegacioni i kryesuar nga kryetari Ilir Xhakolli dhe ai Thomas Beyer diskutojnë projektet për thellimin e marrëdhënieve të binjakëzimit të qytetit.
Prill 2019: Binjakëzimi i qyteteve
Pas disa vitesh kontakte mes dy qyteteve, kryebashkiakët Eduart Kapri dhe Thomas Beyer vulosin një partneritet mes Pogradecit dhe Wismar.
Dhjetor 2016: Zjarrfikësja nga Wismar për Pogradec
CHW dhe partneri ynë MST Braitsch organizojnë transportin detar për në Durrës. Një delegacion i vogël nga Wismar udhëton për në Pogradec për dorëzimin zyrtar.
Shkurt 2016: Seminar turistik Wismar
Përfaqësues nga qytetet e Pogradecit (Shqipëri) dhe Ohrit dhe Strugës (Maqedonia e Veriut) shohin infrastrukturën turistike të Wismar dhe punojnë në qasjet për një zhvillim të përbashkët të rajonit të Liqenit të Ohrit – një kontribut për mirëkuptimin ndërkufitar. Pika kryesore është “Deklarata Wismar” e përbashkët për bashkëpunimin ndërkufitar.
Mars 2014: Frieder Weinhold bëhet qytetar nderi i Pogradecit
Ashtu si bashkia e Velçanit, edhe qyteti i Pogradecit i jep qytetarinë nderi Frieder Weinhold; kjo forcon pozicionin e tij si ndërmjetës midis Wismar dhe Pogradecit
Nëntor 2013: Delegacioni i Pogradecit viziton Wismar
Përfaqësuesit e administratës së qytetit të Pogradecit rreth kryebashkiakut Artan Shkembi mësojnë për objektet dhe strukturën ekonomike të qytetit Hanseatik.
Nëntor 2011: 20 vjet CHW
Kryebashkiaku Artan Shkembi nga Pogradeci merr pjesë në festën e përvjetorit në Wismar dhe vendos kontakte me administratën e qytetit.
Shkurt 1992: Transporti i ndihmës së parë
Ndihmës nga Wismar dhe rajoni sjellin ndihma në Pogradec dhe Bishnicë, menjëherë pas hapjes së Shqipërisë – fillimi i një bashkëpunimi të gjatë